27. Mars 2019.
Me datë 30 Mars 2019, e shtunë, me fillim në orën 20:30 organizohet aksioni i fikjes së dritave

KOMUNA E ULQINIT

Sekretariati për veprimtari komunale dhe mbrojtjen e ambientit

L A J M Ë R O N

qytetarët, institucionet dhe ndërmarrjet

Se me datë 30 Mars 2019, e shtunë, me fillim në orën 20:30 organizohet aksioni i fikjes së dritave në kohëzgjatje prej 60 minutave, në kuadër të aksionit global “Një orë për Planetin”, aksion ky, të cilin në Mal të Zi e organizon  OJQ “Green Home” në bashkëpunim me Fondin botërorë për mbrojtjen e natyrës.

Me këtë rast ju ftojmë që, duke fikur dritat, në shtëpi, banesa, objekte e ndërtesa, ti bashkangjiteni aksionit në fjalë dhe të kontriboni në mbrojtjen e mjedisit jetësorë.

Me fikjen e dritave, jo edhe aqë të nevojshme, për  një orë, ndihmojmë në forcimin e vendosshmërisë globale për ruajtjen e planetit tonë.

Komuna e Ulqinit, në aksionin global “Një orë për Planetin” do të marrë pjesë me këto aktivitete:

-Fikja e dritave në ndërtesën e Komunës, në periudhën kohore prej orës 20:30 deri 21:30.

-Fikja e dritave të ndriçimit publik në rrugët kryesore në qytet, prej orës 20:30, në kohëzgjatje prej 60 minutave, si dhe,

-mbjellja e bimëve dekorative në oborr të Komunës.

Komuna e Ulqinit dhe qytetarët e saj,  përmes këtij aksioni, përcjellin mesazhin e qartë se, çdonjëri  nga ne mban përgjegjësi në raport me ambientin, dhe se është  e mundur, që  për të mirën e të gjithë neve dhe planetit ku jetojmë,  të ndryshojmë shprehitë e përditshme.

 

Sekretariati për veprimtari komunale dhe mbrojtjen e ambientit