Genci Nimanbegu
Kryetari i Komunës

Genci Nimanbegu

Genci Nimanbegu lindi në vitin 1971. Jeton dhe vepron në qytetin e lindjes Ulqin.

Shkollën fillore dhe të mesme e kreu në vendlindjen e tij Ulqin. Studimet i filloi në Fakultetin Ekonomik në Dubrovnik, por për shkak të ngjarjeve të luftës në ish-Jugosllavi, iu desh t'i ndërpresë ato dhe ti vazhdojë në Fakultetin Ekonomik në Podgoricë, ku edhe diplomoi.

Eksperiencë pune

  • Nga korriku deri në dhjetor të vitit 1997 ka punuar si bashkëpunëtor i drejtorit ekzekutiv të ndërmarrjes “Primus Elektronics” në Ulqin.
  • Gjatë ngjarjeve të luftës në Kosovë (mars - qershor 1999), ai themeloi dhe udhëhoqi organizatën humanitare "Drita", e formuar në Ulqin, me qëllim të kujdesit dhe ndihmës për refugjatët e Kosovës.
  • Punoi në "Programin Botëror të Ushqimit" të OKB-së (UN/WFP) nga qershori 1999 - deri në mbylljen e misionit në Mal të Zi - Mars 2004.
  • Në prill të vitit 2004 ka marrë detyrën e drejtorit ekzekutiv të “Ulqin Business Association” (UBA). Kjo shoqatë atë vit kishte 60 anëtarë, ndërsa sot ka 280 anëtarë.
  • Me një grup intelektualësh dhe patriotësh shqiptarë nga Ulqini, në vitin 2005, mori pjesë në krijimin e partisë shqiptare Forca e Re Demokratike dhe u zgjodh nënkryetar i saj.
  • Është zgjedhur kryetar i Këshillit Kombëtar të Shqiptarëve në Mal të Zi në vitin 2013.

Në zgjedhjet parlamentare të vitit 2009, ai u zgjodh deputet i Kuvendit të Malit të Zi, e poashtu mandatin e deputetit e fitoi edhe në zgjedhjet e vitit 2012, 2016, 2020 dhe 2024. Ai ishte deputet deri në nëntor të vitit 2024.
Gjatë Thirrjes së 26-të (2016-2020), ai shërbeu si Nënkryetar i Parlamentit të Malit të Zi dhe ishte anëtar i Delegacionit të përhershëm të Parlamentit të Malit të Zi në Asamblenë Parlamentare të NATO-s.

Gjatë mandatit të tij parlamentar ka kryer këto funksione:

  • Kryetar i Klubit të Deputetëve Shqiptarë;
  • Zëvendëskryetari i Komisionit për Turizëm, Bujqësi, Ekologji dhe Planifikim Hapësinor;
  • anëtar i Komisionit për të Drejtat dhe Liritë e Njeriut; Komisionit për monitorimin dhe kontrollin e procesit të privatizimit; të Komisionit për Reformë Gjithëpërfshirëse Zgjedhore dhe të Grupit Punues për Hartimin e Ligjit për Kuvendin e Malit të Zi.
  • Ishte anëtar i Komisionit për Turizëm, Bujqësi, Ekologji dhe Planifikim Hapësinor, Komisionit për Ekonomi, Financa dhe Buxhet.

Ai u zgjodh kryetar i Forcës së Re Demokratike më 30 tetor 2021, unanimisht në Kongresin e 4-të të partisë.

Përveç gjuhës amtare - shqipes, ai flet edhe gjuhën malazeze, angleze dhe italiane, si dhe flet edhe frëngjisht.

Ai është i martuar me piktoren akademike Vahida, me të cilën ka dy fëmijë, Lisën dhe Jonin.

Lajmet e fundit

Shihni lajmet, ngjarjet dhe ngjarjet më të fundit në komunën tonë

NoImage

Punëtorija e dytë të projektit "SurF – South Adriatic Urban Food Strategy to Support Municipalities and Favour Inclusive, Sustainable, and Circular Urban Food Policies and Operational Frameworks"

Komuna e Ulqinit - Sekretariati për bujqësi, zhvillim rural dhe ekologji ju fton te merrni pjese në punëtorinë e dytë të projektit “SurF - South Adriatic Urban Food Strategy to Support Municipalities and Favour Inclusive, Sustainable, and Circular Urban ...

NoImage

Kryetari Nimanbegu uron besimtarët me rastin e Kurban Bajramit

Të nderuar besimtarë, Më lejoni që në këtë ditë të shenjtë të Festës së Kurban Bajramit - festë e mëshirës, faljes, mirëkuptimit, vëllazërimit dhe paqes - t’ju uroj përzemërsisht ...

Hapet zyrtarisht Qendra e Shkencës dhe Inovacionit në Ulqin

Hapet zyrtarisht Qendra e Shkencës dhe Inovacionit në Ulqin

Sot në Ulqin u bë hapja solemne e Qendrës së Shkencës dhe Inovacionit, një projekt i rëndësishëm për edukimin, zhvillimin teknologjik dhe avancimin e të rinjve në fushën e shkencës, inovacionit dhe teknologjisë. Kjo ...

U mbajt punëtoria e dytë për hartimin e Strategjisë për zvogëlimin e rrezikut nga katastrofat në Komunën e Ulqinit

U mbajt punëtoria e dytë për hartimin e Strategjisë për zvogëlimin e rrezikut nga katastrofat në Komunën e Ulqinit

Sot në Ulqin u mbajt punëtoria e dytë në kuadër të procesit të hartimit të Strategjisë për zvogëlimin e rrezikut nga katastrofat deri në vitin 2030, së bashku me Planin e Veprimit për Komunën e Ulqinit. Gjatë ...

Shpallen fituesit e konkursit ndërkombëtar për monumentin e Gjergj Kastriotit – Skënderbeu në Ulqin

Shpallen fituesit e konkursit ndërkombëtar për monumentin e Gjergj Kastriotit – Skënderbeu në Ulqin

Komuna e Ulqinit ka përmbyllur me sukses konkursin ndërkombëtar për përzgjedhjen e zgjidhjes ideore të monumentit të heroit kombëtar Gjergj Kastrioti - Skënderbeu. Në këtë konkurs kanë marrë pjesë 17 punime nga autorë ...

Eurodeputeti Austriak nga të Gjelbrit Thomas Waitz në përkrahje të ruajtjes së Plazhit të Madh dhe Kripores

Eurodeputeti Austriak nga të Gjelbrit Thomas Waitz në përkrahje të ruajtjes së Plazhit të Madh dhe Kripores

Në Ulqin qëndroi për vizitë bashkëkryetari i të Gjelbërve Thomas Waitz. Ai fillimisht u takua me zyrtarët komunal më pas një takim tjetër u zhvillua me Kryetarët e Klubeve, këshilltarë dhe përfaqësues të sektorit ...

Miqtë dhe partnerët e komunës sonë