Njoftim mbi synimin e Komunës së Ulqinit për zhvillimin e hulumtimit të tregut me qëllim të shpalljes së tenderit ndërkombëtar për punë shtesë që janë në proces në territorin e saj

Njoftojmë të gjithë operatorët ekonomikë të interesuar se Komuna e Ulqinit, në bashkëpunim me Agjencinë për Zbatimin e Projekteve (PEA) për Programin “Furnizimi me ujë dhe largimi i ujërave të zeza në bregdetin adriatik” - “Vodacom” sh.p.k. Tivat dhe bankën KfW (Gjermani), planifikon të publikojë një njoftim për prokurim publik për: kryerjen e punimeve në infrastrukturën ujësjellëse në territorin e Komunës së Ulqinit (Mali i Zi).

Njoftimi do të publikohet në faqen e GTAI (Germany Trade and Invest), dhe do të përgatitet e zbatohet në përputhje me udhëzimet e prokurimit publik të bankës KfW. Prokurimi publik parasheh punimet në vijim: vendosjen e mbi 20 km tubacioneve në zonën e gjerë të qytetit (tuba PEHD dhe tuba duktilë të diametrave të ndryshëm nga DN63 deri në DN500), sanimin e stacionit të pompimit të ujësjellësit me kapacitet 120 l/s, si dhe instalimin e pajisjeve matëse në disa lokacione. Afati i realizimit të projektit është maksimumi 365 ditë + periudha për zbulimin dhe eliminimin e mangësive (DNP) prej 365 ditësh.

Lusim të gjithë operatorët potencialë që janë të interesuar të marrin pjesë në këtë procedurë tenderuese dhe në kryerjen e punimeve, dhe që posedojnë të gjitha kapacitetet e nevojshme për realizimin e këtij projekti, të na kontaktojnë jo më vonë se data 10 dhjetor 2025.

Të interesuarit mund t’i dërgojnë email-et me referencat e tyre në adresat e mëposhtme:

kabinet@ul-gov.me

invensticije@ul-gov.me

Ky hulumtim i tregut ka për qëllim përshpejtimin e shpalljes së njoftimit dhe fillimit të procedurës së tenderit të lartpërmendur.