Ulqini sëshpejti me qendër teknologjike bashkohore

Një delegacion i Agjencise Turke për Bashkëpunim dhe Koordinim TIKA, kryesuar nga Koordinatorja  Znj.Nihal Ersoy, drejtoresha ekzekutive e Fondacionit T3 nga Turqia znj. Elvan Kuzucu dhe Prof. Dr. Ilir Çapuni nga Fondacioni XL LABS nga Ulqini u pritën nga Kryetari Genci Nimanbegu dhe bashkëpunëtorët e tij. Duke i uruar mirëseardhje Kryetari Nimanbegu falenderoi agazhimet dhe projektet që  TIKA ka realizuar ndër vite në Ulqin. Ai  tha se  keto aktivitete janë vazhdimsi  e marëdhënijeve  të mira  mes dy palëve që do të forcohen dhe më tej  e ketë e dëshmon dhe nënshkrimi i dokumentit të sotëm i cili parasheh ngritjen e  objektit  shkencor ku talentë të fushave të ndryshme, nxënës të shkollave  fillore dhe të mesme do të kenë rast të marrin dhe zbatojnë njohuritë themelore dhe të avancuara në  fusha të ndryshme  të teknologjisë bashkohore, duke filluar nga robotika e deri te inteligjenca artificiale.    

Mysafirët falenderuan në pritje ndërkaq Koordinatorja e Tikës tha që   Komuna e Ulqinit  mund të llogarisë në përkrahje  të vazhdueshme të projekteve që kanë të bëjnë me projekte mjedisore, ata  të ruajtjes , konservimit  dhe restaurimin  e trashegimisë  kulturore  dhe projekte të tjerë.