Sekretariati për ekonomi dhe zhvillim ekonomik i Komunës së Ulqinit fton të gjithë zanatljinjtë, sipërmarrësit dhe shoqëritë tregtare që ushtrojnë veprimtari të zanateve në territorin e Komunës së Ulqinit të marrin pjesë në takimin informues kushtuar prezantimit të Programit për zhvillimin dhe promovimin e zanateve për vitin 2026.
Takimi do të mbahet ditën e enjte, më 25 qershor 2026, me fillim në ora 11:00, në Sallën e Kuvendit të Komunës së Ulqinit.
Takimi informues organizohet nga Sekretariati për ekonomi dhe zhvillim ekonomik i Komunës së Ulqinit, në bashkëpunim me Ministrinë e zhvillimit ekonomik të Malit të Zi, me qëllim që zanatljinjtë të njihen me mundësitë e mbështetjes për avancimin dhe zhvillimin e veprimtarisë së tyre.
Gjatë takimit do të prezantohen kushtet e Thirrjes publike, mënyra e aplikimit, si dhe mundësitë për përfitimin e mbështetjes financiare deri në 10.000,00 euro për blerjen e pajisjeve të reja ose të përdorura dhe mjeteve të specializuara të punës. Për realizimin e Programit janë paraparë mjete në vlerë totale prej 380.000,00 euro, duke stimuluar zanatljinjtë nga komunat më pak të zhvilluara, të rinjtë, gratë sipërmarrëse dhe personat me aftësi të kufizuara.
Vëmendje e veçantë do t’i kushtohet rëndësisë së regjistrimit në Regjistrin e zanateve, i cili paraqet një nga kushtet kryesore për realizimin e të drejtës për subvencione dhe forma të tjera të mbështetjes të parashikuara të Programit.
Kujtojmë se regjistrimi në Regjistrin e zanateve kryhet në mënyrë elektronike përmes portalit https://registarzanatlija.gov.me/app/r/reg_zant/external_app/public-applications, si dhe në përputhje me nenin 12 të Ligjit për zanatet, zejtarët janë të obliguar që fillimin e ushtrimit të veprimtarisë së tyre të zanatit ta paraqesin pranë organit të administratës lokale kompetent për çështjet ekonomike, të paktën tetë ditë para fillimit të punës.
Përfaqësuesit e Ministrisë së zhvillimit ekonomik të Malit të Zi dhe të Sekretariatit për ekonomi dhe zhvillim ekonomik të Komunës së Ulqinit do të prezantojnë programin e mbështetjes dhe do t’u përgjigjen pyetjeve të pjesëmarrësve të interesuar, duke ofruar sqarime shtesë lidhur me procedurat e aplikimit dhe dokumentacionin e nevojshëm.
Ftojmë të gjithë zejtarët nga territori i Komunës së Ulqinit të marrin pjesë në këtë takim dhe të shfrytëzojnë mundësitë që ofron Programi për zhvillimin dhe promovimin e zanateve për vitin 2026, me qëllim të avancimit të veprimtarisë së tyre dhe rritjes së konkurrueshmërisë.
