Sekretariati për ekonomi dhe zhvillim ekonomik i Komunës së Ulqinit njofton të gjithë zanatlinjtë, sipërmarrësit dhe shoqëritë tregtare që ushtrojnë veprimtari të zanateve se Regjistri i zanateve është themeluar dhe se aplikimi për regjistrim bëhet në mënyrë elektronike përmes portalit: http://registarzanatlija.gov.me/
Kujtojmë se zanatlinjtë janë të detyruar të harmonizojnë veprimtarinë e tyre me dispozitat e Ligjit për zanatet dhe të kryejnë regjistrimin në Regjistrin e zanateve në përputhje me procedurat e përcaktuara me ligj.
Gjithashtu, theksojmë që neni 12 i Ligjit për zanate ka përcaktuar që zanatlinjtë janë të detyruar që të paktën tetë ditë para fillimit të ushtrimit të zanatit të paraqesin njoftimin pranë organit kompetent të administratës lokale për çështjet e ekonomisë.
Në këtë drejtim, përveç regjistimit elektronik nëpërmjet Regjistrit të zanateve, ftojmë të gjithë personat që ushtrojnë ose që planifikojnë të ushtrojnë veprimtari të zanateve në territorin e Komunës së Ulqinit që aplikimin e tyre ta dorëzojnë edhe në Sekretariatin për ekonomi dhe zhvillim ekonomik të Komunës së Ulqinit, me qëllim mbajtjen e evidencës dhe zbatimin e procedurave të përcaktuara me ligj.
Paraqitja bëhet në ambientet e punës së Sekretariatit për ekonomi dhe zhvillim ekonomik të Komunës së Ulqinit, ndërsa informacion shtesë mund të merret në ambientet e Sekretariatit ose përmes postës elektronike: ekonomija@ul-gov.me
Krijimi i Regjistrit të zanateve përbën një hap të rëndësishëm drejt avancimit të zanateve në Mal të Zi, forcimit të mbështetjes institucionale për zanatlinjtë, krijimit të një evidence të unifikuar dhe përmirësimit të mjedisit të biznesit.
Sekretariati për ekonomi dhe zhvillim ekonomik i Komunës së Ulqinit mbetet në dispozicion të të gjithë zanatlinjve të interesuar për ofrimin e informatave, ndihmës dhe mbështetjes gjatë procedurës së regjistrimit dhe përmbushjes së detyrimeve ligjore.
