Kuvendi i Komunës së Ulqinit, në pajtim me Vendimin për formimin e trupave punues të Kuvendit (“Fletorja zyrtare e Malit të Zi - dispozitat e komunave”, nr. 01/21 dhe 20/24), shpall
THIRRJE PUBLIKE
për emërimin e anëtarëve të Këshillit për parashtresa, ankesa dhe të drejtat e personave me invaliditet nga radhët e qytetarëve dhe punëtorëve profesionistë
1. Për Këshillin
Këshilli për parashtresa, ankesa dhe të drejtat e personave me invaliditet ka për detyrë të shqyrtojë parashtresat dhe ankesat e qytetarëve të dërguara në Kuvend, të propozojë masa për zgjidhjen e tyre dhe të informojë parashtruesin për rezultatin. Gjithashtu, Këshilli shqyrton çështjet që lidhen me krijimin e kushteve për krijimin e kushteve për një angazhim të organizuar dhe cilësor dhe ndërmarrjen e aktiviteteve për të ndihmuar personat me invaliditet, si dhe ngritjen e standardeve në cilësinë e jetës dhe punës së tyre.
Këshilli ka kryetarin dhe 4 anëtarë, prej të cilëve një anëtar është nga radhët e qytetarëve dhe një anëtar nga radhët e punëtorëve profesionistë dhe shkencorë nga fusha e të drejtave të personave me invaliditet.
2. Ftesë për aplikim
Ftojmë të gjithë qytetarër e interesuar, profesionistët dhe përfaqësuesit e organizatave joqeveritare të cilët merren me të drejtat e personave me invaliditet, mbrojtjen sociale ose fusha të ngjashme që të aplikojnë për emërim e anëtarëve të Këshillit.
3. Kriteret për aplikim
Kandidatët duhet të plotësojnë kërkesat e mëposhtme:
- Arsimimi dhe përvoja: Arsimimi përkatës dhe përvoja profesionale nga fusha e të drejtave të personave me invaliditet, mbrojtjen sociale, të drejtat e qytetarëve ose fusha të ngjashme.
- Kompetencat: Njohje e dispozitave dhe politikave ligjore në lidhje me të drejtat e personave me invaliditet, si dhe përvojë në punën me institucione, organizatat ose projektet që merren me këto çështje.
- Dokumentacioni: CV me detaje të arsimit dhe përvojës së punës, letër motivuese, si dhe informacione kontakti.
4. Afati për aplikim
- Kandidatët e interesuar duhet të dorëzojnë aplikimet e tyre jo më vonë se data 30.09.2024. Aplikimet mund të dorëzohen me e-mail në adresën parlament@ul-gov.me ose me postë Kuvendit të Komunës së Ulqinit në adresën: Blvd. Gjerg Kastrioti Skenderbeu pn 85360 Ulqin.
5. Përzgjedhja dhe emërimi
- Të gjitha aplikimet do të shqyrtohen nga Këshilli për zgjedhje dhe emërime, i cili do të kryejë një analizë të detajuar në përputhje me kriteret e përcaktuara. Pas kësaj, Këshilli do t'i propozojë Kuvendit të Komunës së Ulqinit kandidatët për emërim.
6. Kontakti
Për informacione dhe pyetje shtesë mund të telefononi në numrin 030 412 456 ose në e-mail parlament@ul-gov.me.
Ju falenderojmë për interesimin dhe presim aplikimet tuaja.
Kuvendi i Komunës së Ulqinit
