Presidenti I Shqipërisë Z.Bujar Nishani së bashku me Zonjën e Parë Odeta Nishani po zhvillojnë një vizitë shtetërore në Mal të Zi.Vizita realizohet me ftesë të homologut të Tij Z Filip Vujanoviq.
Pas ceremonive më të larta shtetërore të dy Presidentët do të kënë takim kokë më kokë e me pas do të kryesojnë bisedimet dypalëshe të delegacioneve respektive dhe deklaratat për shtyp.
Kreu i shtetit shqiptar do të ketë takime me Kryetarin e Parlamentit të Malit të Zi, Ranko Krivokapiq dhe me Kryeministrin Millo Gjukanoviq.
Për nder të Presidentit shqiptar , Presidenti i malit të Zi Vujanoviq dhe Kryeministri Gjukanoviq do të shtrojnë darkë respektivisht drekë solemne, ku janë ftuar zyrtarë të lartë e në mesin e tyre dhe Kryetari i Komunës Z. Fatmir Gjeka.
Agjenda parasheh , vizite dhe takim në Tuz, në Arqipeshkvinë e Tivarit, nderkohë që një agjendë e vecantë është përgatitur nga ana e protokollit edhe për qëndrimin e shefit të shtetit shqiptar dhe Zonjës së tij në Komunën e Ulqinit më datën 24 mars.
Takimi në Ulqin do të fillojë ne orën 09,45 minuta ku Presidentin shqiptar Nishani do ta presë Kryetari Gjeka dhe bashkëpunëtorët e tij.
Pas bisedimeve dhe deklaratave për shtyp në hapsirat e komunës , është paraparë Vendosja e një kurore me lule në varrin e Ymer Prizrenit.
Po ashtu agjenda parasheh një takim me sportistë të dalluar në hotelin ,,Otrant dhe një takim të organizuar nga KNSH në Mal të Zi.
Për Zonjën e Parë , Odeta Nishani është përgatitur një agjendë e vecantë Ajo do të jetë e shoqëruar nga Iliriana Gjeka dhe disa zonja të tjera të Komunës tonë dhe bashkarisht do të vizitojnë bibliotekën,dhe muzeumin ne kala.
Në vazhdim ja dhe agjenda e vizitës së Presidentit Nishani për datën 24 mars.
E martë, 24 mars 2015
08,00 Nisja e SH.T.Z Bujar Nishani me bashkëshorten drejt Tivarit
08,45 Mbërritja në Tivar Takimi i SH.T.Z Bujar Nishani me Arqipeshkvin e Tivarit Imzot Zef Gashi
09,15 Nisja drejt Ulqinit
09,45 Takimi i SH.T.Z Bujar Nishani me Kryetarin e Komunës Ulqin
10,15 Vendosje e një kurore me lule në varrin e Ymer Prizrenit
10,45 Nisja për Hotel Otranto, takimi i SH.T.Z Bujar Nishani me grupin e sportistëve
11,00 Takimi i SH.T.Z Bujar Nishani i organizuar nga Këshilli Nacional i Shqiptarëve në Mal të Zi
12,30 Nisja e SH.T.Z Bujar Nishani me bashkëshorten drejt pikës kufitare Sukobinë (Murriqan)
14,15 Mbërritja në Tiranë
Mas medjet po i kushtojnë vëmëndje të vecantë kësaj vizite.
Takimi cilësohet si shprehje e miqësisë dhe kontribut i marëdhënijëve dypalëshe në rajon.
