Hendbollistja e reprezentacionit të Malit të Zi pritet në Ulqin

Kryetari i  Komunës  së Ulqinit  Z.Fatmir Gjeka  në  shoqërinë  edhe të  anëtarëve  te tjerë  të  kabinetit   priti  përfaqësuesen e  reprezentacionit    të Malit të Zi   në  hendboll   Majda  Mehmedoviq.

Edhepse   tejet e re,  ajo ka  një karierë sportive  për tu  adhuruar. Shquhet  për rezultate   të jashtëzakonshme  dhe  thyerje  rekordesh   brenda  dhe jashta  vendit , duke nxjerrë   në  pah  meritat e  saja si sportiste e talentuar.

E  thjeshtë dhe modeste , mbetet  nje figurë e dashur dhe e  adhuruar   per  shumë  tifozë  dhe sportëdashës  të të gjitha moshave ,  andaj dhe  ky takim  ishte  një takim mbresëlënës  për të  gjithë  të   ftuarit dhe  gazetarët.

Kryetari   Gjeka duke   i shprehur vlerësimet dhe  konsodetatat   e tija  uroj  që ajo edhe  në të ardhmen  të mbesë  ikonë  e sportit  duke  lënë   gjurmë  me lojën e saj. Ai po ashtu  theksoi  që Majda  dhe  sportistë  të kalibrit të saj  përherë mund të llogarisin në  përkrahjen  e Komunës së Ulqinit.

Nga ana  tjetër   sportistja  Majda   Mehmedoviq  e cila shoqërohej  nga   babai dhe vëllai i saj  , tha se  ndihej e lumtur   për    këtë  pritje   kaq  të   ngrohtë   dhe miqësore  dhe   premtoi  që  do  të japë   cdo  gjë nga vehtja  per  të rritur  edhe  më shumë  prestigjin  e hendbollit  në Mal të Zi .