Zyrtarët komunal presin personalitetet shqiptare

Kryetari i Komunës së Ulqinit Fatmir Gjeka ,Kryetari i Kuvendit Fuad Haxhibeti dhe bashkëpunëtorët e tjerë  pritën në një takim  Kryetarin e Parlamentit të Shqipërisë Z Ilir Meta, Ministren e kulturës Z Mirela Kumbaro Furxhi, deputetë dhe personalitete të tjerë  nga shqipëria  të cilët   kanë ardhur në Ulqin  për të përcjellur aktivitetet  e shumta që  organizohen me rastin e Panairit  të librit Ulqini 2015.

Mysafirët fillimisht shprehën  vlerësimet e tyre të larta  për  aktivitetin kulturor sic është Panairi   i cili tashmë shënon  përvjetorin e   tij të 15.

Në takim u prekën cështje me  interes për  shqiptarët  në Mal të Zi  sic  është  arsimi, kultura ,zgjerimi i pikës kufitare në Sukubinë -Muriqan  etj ku pala shqiptare  u shpreh e gatshme që  të ndihmojë në   realizimin e tyre.

Tashmë  edhe njëherë u përsërit  që  në shtator filloristët tanë  do të  kenë në duar abetaren kombëtare  dhe atë dhuratë nga shteti  shqiptar.Po ashtu Ministria e kulturës e Shqipërise në një   të ardhme sa më të shpejtë  do të nënshkruaj  Marëveshtje  me  Këshillin  Nacional Shqiptar  në Mal të Zi   rreth  përmbajtjeve kulturore   që do të barteshin  këtu.

 Ministrja Kumbaro  tha se  qëllimi  ynë është rinia  dhe  aktivitetet kulturore  duhet të jenë gjatë tërë vitit.

Kryetari i Parlamentit  të  Shqipërise Ilir Meta  u interesua  për  planet dhe  synimet që ka komuna kur është në  pyetje zhvillimi i qytetit për cgjë detalisht u informua  nga Kryetari Gjeka dhe Kryetari i Parlametit të Ulqinit Fuad Haxhibeti.