Ambasadori i Shqipërisë në Mal të Zi, Ridiem Kurtezi u takua me kryetarin e Ulqinit Omer Bajraktari dhe kryetarin e Kuvendit Ardian Mavriq.Ai uroi udhëheqësinë komunale për detyrën e re dhe riafirmoi qëndrimin e palës shqiptare për të zgjeruar dhe intensifikuar bashkëpunimin në të gjitha fushat me qytetin e Ulqinit me theks të veçantë në turizëm dhe në fusha të tjera ekonomike, por dhe në kulturë e sport. Vëmëndje e veçantë iu kushtua projekteve madhore midis dy shteteve siç është ndërtimi I urës mbi Lumin Buna që do të lidhë Malin e Zi me Shqipërinë dhe ajo e hapjes së pikave të tjera kufitare. Bashkëbiseduesit u pajtuan që takimet të intensifikohen dhe qyteti I Ulqinit nëpërmes projekteve konkrete të jetë gjithnjë e më i pranishëm në Unionin e Bashkive Shqiptare por dhe të thellojë bashkëpunimin ,veçmas me Bashkinë e Tiranës për shkëmbimin e përvojave dhe qytetet bregdetare të Shqipërisë.
.jpg?v=2025-12-29_19:52:02)
.jpg?v=2025-11-28_10:12:24)
