Një delegacion i Komunës nga Hani i Elezit kryesuar nga Kryetari Mehmet Ballazhi qëndroi për vizitë zyrtare në Ulqin. Ata u pritën nga Kryetari i Ulqinit Genci Nimanbegu dhe bashkëpunëtorët e tij. Në takim u diskutuan përvojat institucionale në fushën e administrimit lokal digjitalizimit të shërbimeve publike, pjesëmarrja e qytetarëve në vendimarrje dhe transparenca në të dy komunat.
Po ashtu u shqyrtua mundësia për bashkëpunim të ndërsjelltë në fusha të ndryshme. Palët shprehën gatishmëri për intensifikimin e komunikimit dhe për organizimin e aktiviteteve të përbashkëta në fushën e sportit, kulturës etj.
Takimi u vlerësua si një hap i rëndësishëm drejtë ndërtimit të urave të komunikimit dhe bashkëpunimit ndërmjet dy Komunave.
