Në këtë takim u diskutua rreth projektit që po zbatohet aktualisht në komunën tonë, i cili ka për qëllim përmirësimin e zhvillimit gjuhësor te fëmijët e moshës parashkollore. Projekti synon të identifikojë në mënyrë të hershme vështirësitë gjuhësore dhe vonesat në të folur, si dhe të rrisë ndërgjegjësimin mbi rëndësinë e ndërhyrjes së hershme në zhvillimin e fëmijëve.
Një ndër sfidat me të cilat përballet Komuna e Ulqinit është mungesa e një regjistri bazë për fëmijët me vështirësi gjuhësore apo çrregullime të tjera zhvillimore. Implementimi i këtij projekti përfaqëson një hap të rëndësishëm drejt ndërtimit të strukturave efikase për identifikimin dhe mbështetjen në kohë të këtyre fëmijëve, duke krijuar kështu mundësi më të mëdha për zhvillimin e tyre të suksesshëm në të ardhmen.
.jpg?v=2025-11-28_10:12:24)
