Sot u mbajt mbledhja e Kuvendit të Komunës së Ulqinit, në të cilën u miratuan të gjitha pikat e rendit të ditës, përveç pikës numër 11, e cila do të shqyrtohet në vazhdimin e kësaj mbledhjeje javën e ardhshme. Opinioni publik do të njoftohet më vonë për datën dhe kohën e saktë të vazhdimit të mbledhjes.
Disa nga pikat kryesore që u miratuan janë:
• Programi i rregullimit të hapësirës për vitin 2025 dhe Raporti mbi gjendjen e rregullimit të hapësirës për vitin 2024
• Plani për vendosjen e objekteve të përkohshme në territorin e Komunës së Ulqinit për vitet 2024-2028
• Plani lokal i veprimit për të rinjtë në Komunën e Ulqinit për vitet 2024-2026
• Ndryshimet dhe plotësimet e akteve themeluese të ndërmarrjeve publike lokale dhe të transmetuesit publik lokal
• Programi i punës dhe plani financiar i Ndërmarrjes Publike “Agjencioni për Ndërtim dhe Zhvillim të Ulqinit”
• Dhënia e pëlqimit për emërimin e drejtorit ekzekutiv të SH.P.K. “Parking Servis” - Ulqin
Pika numër 11, e cila ka të bëjë me Informacionin lidhur me zhvillimet në Kuvendin e Malit të Zi në lidhje me ratifikimin e “Marrëveshjes për bashkëpunim në fushën e turizmit dhe zhvillimit të pasurive te paluajtshme ndërmjet Qeverisë së Malit të Zi dhe Emirateve të
Bashkuara Arabe" dhe aktivitetet e Komunës së Ulqinit, do të shqyrtohet në vazhdimin e mbledhjes.
Falenderojmë këshilltarët për pjesëmarrjen aktive dhe diskutimet konstruktive.
.jpg?v=2025-12-29_19:52:02)
.jpg?v=2025-11-28_10:12:24)
