Dje, në Tivar, në Shtëpinë e Ullirit, u mbajt një ceremoni në të cilën familja Kurmemaj dhuroi një kontribut të vlefshëm për personat me diabet nga disa qytete të Malit të Zi, ndër të cilët ishte edhe Ulqini ynë.
Në këtë ceremoni morën pjesë Kryetari i Komunës së Ulqinit, Genci Nimanbegu, nënkryetari Beqir Sellaj dhe Kryetari i Komunës së Tivarit, Dushan Raiçeviq, të cilët shprehën fjalë mirënjohjeje ndaj familjes Kurmemaj për kontributin e tyre bujar ndaj komunitetit dhe për mbështetjen që u japin atyre që kanë më shumë nevojë.
Familja Kurmemaj nuk ofroi vetëm ndihmë materiale - por edhe shpresë, dashuri dhe besim në solidaritetin njerëzor. Veprat e tyre janë frymëzim për të gjithë ne dhe kujtesë se vlerat e vërteta jetojnë përmes veprave, e jo vetëm përmes fjalëve.
Komuna e Ulqinit do të vazhdojë të jetë e përkushtuar në forcimin e frymës së bashkëpunimit dhe humanizmit, sepse aty ku ekziston nevoja aty duhet të jemi të gjithë së bashku.
.jpg?v=2025-11-28_10:12:24)
