Në palestrën e shkollës fillore Marshall Tito, nisën Lojrat Olimpike ndërkombëtare për fëmijë dhe të rritur me aftësi të kufizuar. Në këtë takim ishin të ftuar zyrtarë republikan, Kryetarja e Kuvendit të Ulqinit Ivana Popoviq dhe nënkryetari Beqir Sellaj.
Nënkryetari i Komunës së Ulqinit Beqir Sellaj duke përshëndetur pjesëmarrësit e takimit tha se ,,Kjo nuk është vetëm një ngjarje sportive, por një manifestim i vlerave më të larta që mund të përqafojë një shoqëri“.
Lojrat Olimpike shtoi ai, janë dëshmi e fortë që e ardhmja jonë duhet të ndërtohet mbi themelet e barazisë dhe mundësive të barabarta për të gjithë fëmijët pa dallim.
Një falënderim për organizimin e këtij aktiviteti që kalon suazat komunale shkon për Qendrën Ditore ,,Sirena” e Komuna e Ulqinit do të qëndrojë edhe në të ardhmen në krah të këtij institucioni dhe nismave të tilla që promovojnë solidaritetin dhe dinjitetin njerëzor.
