Mbrëmë, në sallën e Qendrës për Kulturë, me iniciativën e Komunës së Ulqinit në bashkëpunim me Qendrën për Kulturë dhe Organizatën Turistike të Ulqinit, u mbajt një koncert i jashtëzakonshëm nga Orkestra Simfonike e RTSH-së nën dirizhimin e Maestro Gridi Kraja nga Tirana. Orkestra i ofroi publikut një koncert të bukur dhe të paharrueshëm.
Një kontribut të veçantë në atmosferë dhanë edhe sopranojat tona: Hristina Dragoviq, Gjylije Pelingu Hoxha, Maja Jakoviq dhe Egzona Salaj, të cilat me interpretimet e tyre pasuruan më tej këtë ngjarje kulturore.
Një tjetër dëshmi se muzika është një gjuhë universale që i bashkon njerëzit.
