Sekretariati për veprimtari komunale dhe banesore, duke u bazuar në nenin 87 të "Vendimit për rendin komunal", njofton qytetarët, subjektet dhe të gjithë të interesuarit se:
Nga data 1 qershor 2025, hyn në fuqi ndalimi i përkohshëm i të gjitha punimeve ndërtimore, përfshirë punimet gërmuese, ndërtimore, riparuese, shtesat apo largimin e objekteve ndërtimore, në zona të caktuara të territorit të Komunës së Ulqinit, gjatë sezonit turistik.
Ndalimi do të zbatohet si vijon:
-
ZONA E PARË: prej 1 qershorit deri më 15 shtator 2025, në:
Bulevardi “Gjergj Kastrioti Skënderbeu”, rr. Ali Riza Ulqinaku, dhe zonat urbane: Mali i Bardh, Pristani, Qyteti i vjeter, Limani, Mahalla e Re, Meterizi dhe Pinjeshi. -
ZONA E DYTË: prej 15 qershorit deri më 1 shtator 2025, në:
Plazha e madhe, Shtoji i poshtem, Shtoji i eperm, Fusha e Ulqinit, Gjerana, Kodra, etj.
Zbatimi i këtij ndalimi synon të ruajë rendin publik, qetësinë dhe mbarëvajtjen e sezonit turistik, si dhe të sigurojë një ambient të qetë dhe të sigurt për banorët dhe vizitorët.
Inspektorati komunal, në bashkëpunim me organet përkatëse, do të monitorojë respektimin e këtij ndalimi dhe do të ndërmarrë masat ligjore ndaj shkelësve, sipas dispozitave në fuqi.
Ftojmë të gjithë qytetarët dhe subjektet që të respektojnë këtë vendim dhe të kontribuojnë në ruajtjen e imazhit dhe funksionalitetit turistik të qytetit tonë.
Sekretariati për veprimtari komunale dhe banesore
