Njoftim publik për përgatitjet para sezonit turistik

Sekretariati për veprimtari komunale dhe banesore, në kuadër të përgatitjeve për sezonin turistik 2025, njofton qytetarët, ndërmarrjet ndërtimore dhe subjektet e tjera të interesuara si vijon:

1. Leje e veçantë për automjete të rënda

Për automjetet me peshë të rënda, të cilat përdoren për qëllime të posaçme (punime ndërtimore, rikonstruksione, sanime), leja për qarkullim mund të merret vetëm pranë Sekretariatit për veprimtari komunale dhe banesore dhe jo më vonë se data 20.05.2025.
Ftojmë të gjithë qytetarët dhe subjektet që të organizojnë punët dhe transportet e tyre brenda këtij afati, pasi të gjitha rrugët duhet të përgatiten dhe lirohen për mbarëvajtjen e sezonit turistik.

2. Kushtet për qarkullimin e automjeteve të furnizimit

Automjetet për furnizim me peshë deri në 6,5 tonë lejohen të qarkullojnë dhe të ndalojnë në zonat urbane vetëm në këto intervale kohore: nga ora 01:30 deri në 09:00, dhe nga ora 13:30 deri në 16:00. Ky regjim do të aplikohet me leje të lëshuar nga Sekretariati për veprimtari komunale dhe banesore, për periudhën nga 01.06.2025 deri më 15.09.2025.

3. Rregullimi i punishteteve

Të gjitha punishtet aktive (parcelet ku kryhen punime ndërtimore në bazë të lejeve të ndërtimit) duhet që nga 01.06.2025 të sigurojnë: Rregullimin dhe sistemimin e vendit të punimeve, rrethimin estetik të punishtes me materiale të përshtatshme, në mënyrë që gjatë sezonit turistik punishtet të mos ndikojnë negativisht në pamjen dhe ambientin urban të qytetit.

Ky njoftim është në funksion të ruajtjes së rendit komunal, pamjes estetike të qytetit dhe ofrimit të kushteve më të mira për qytetarët dhe turistët.

Sekretariati për veprimtari komunale dhe banesore