Përfundon projekti për ndërtimin e Qendrës Ditore për fëmijë dhe persona mbi 27 vjeç me pengesa në zhvillim

Komuna e Ulqinit njofton opinionin publik se është përfunduar projekti kryesor për ndërtimin e Qendrës Ditore për fëmijë dhe persona mbi moshën 27 vjeç me pengesa dhe vështirësi në zhvillim.

Projekti është hartuar me iniciativë të Qendrës Ditore për fëmijë dhe të rinj me nevoja të veçanta Sirena, ndërsa i gjithë procesi është ndjekur dhe koordinuar nga Sekretariati për Veprimtari Komunale dhe Banesore dhe Sekretariati për planifikim hapësinor dhe zhvillim të qëndrueshëm, nën mbështetjen e Kryetarit të Komunës.

Parcela në të cilën planifikohet ndërtimi, me iniciativën e Komunës së Ulqinit, është dhënë në shfrytëzim Komunës nga ana e Qeverisë së Malit të Zi.

Përpunues i projektit është kompania OptimusProject, ndërsa revidimi është kryer nga kompania Ingenium. Vlera e përgjithshme e investimit është vlerësuar në rreth 1.700.000 euro, ndërsa në buxhetin e Sekretariatit për veprimtari komunale dhe banesore të Komunës së Ulqinit për vitin 2025 janë paraparë 500.000 euro për realizimin e fazës së parë të projektit.

Objekti do të jetë tërësisht i përshtatur për nevojat e fëmijëve dhe të rriturve me pengesa të ndryshme në zhvillim, duke respektuar të gjitha standardet e qasshmërisë, sigurisë dhe përfshirjes.

Ky investim ka një rëndësi të veçantë për komunitetin tonë lokal, pasi do të sigurojë mbështetje të organizuar dhe profesionale për një nga kategoritë më të ndjeshme të qytetarëve tanë, si dhe do të lehtësojë në mënyrë të konsiderueshme jetën e përditshme të familjeve të tyre.

Sekretariati për veprimtari komunale dhe banesore

Sekretariati për planifikim hapësinor dhe zhvillim të qëndrueshëm