Në kuadër të aktiviteteve për Ditën e Evropës, në qytetin e vjetër të Shasit, Komuna e Ulqinit ka përfunduar punimet për ndërtimin e Zyrës së Informacionit, e cila shoqërohet me infrastrukturë përcjellëse që do të jenë në shërbim të vizitorëve të lokalitetit arkeologjik.
Zyra e Informacionit si dhe njësia punuese e SHPK “Veprimtari Komunale”, do të ketë për detyrë monitorimin e projekteve që po realizohen në lokalitetin arkeologjik të Shasit, si dhe mirëmbajtjen e këtij vendi me rëndësi kulturore dhe historike. Ajo do të shërbejë si pikë referimi për qytetarët dhe numrin gjithnjë në rritje të turistëve që vizitojnë lokalitetin arkeologjik.
Projekti është financuar nga buxheti i Komunës së Ulqinit me vlerë prej 50.000 euro.
