Sabri Salaj - Shef i kabinetit të Kryetarit
Master i Politikës Ndërkombëtare dhe Diplomacisë Sabri Salaj është emëruar në funksionin e Shefit të kabinetit të Kryetarit të Komunës së Ulqinit, Genci Nimanbegu. Me 27 qershor të vitit 2022 është zgjedhur Nënkryetar i Komunës së Ulqinit, post të cilin e ka mbajtur deri në emërimin si Shef i kabinetit.
Sabri Salaj ka lindur më 13 maj 1984 në Katërkollë - Komuna e Ulqinit. Shkollën fillore e ka përfunduar në ,,Bedri Elezaga” në Katërkollë, kurse shkollën e mesme në ,,Vëllazërim Bashkim’’ në Ulqin.
Gjatë viteve 2004-2008 ka studiuar në Universitetin e Tiranës , Fakulteti i Drejtësisë dhe ka marrë titullin ,,Jurist i diplomuar’’. Nga viti 2009-2012 ka përfunduar studimet pasdiplomike në Prishtinë dhe mori titullin ,,Master i Arteve për Politikë Ndërkombëtare dhe Diplomaci’’ në punimin shkencorë ,,Diplomacia dhe zgjidhja e çështjes së Ulqinit’’.
Ka ndjekur me sukses trajnimin profesional pranë Ministrisë së Punëve të Jashtme të Republikës së Shqipërisë në periudhën qershor 2010 - qershor 2012 në fushat integrime rajonale, protokoll, diplomaci publike, integrime euroatlantike, BE dhe NATO.
Është themelues i Shoqërisë Artistike ,,Tradita”, si dhe ishte koordinator i Ansamblit ,,Tradita’’, koordinator i Biznis Klub Anamalit dhe zyrës së përbashkët diasporë - vendlindje (Shoqata shqiptaro-amerikane Ana e Malit - New York dhe Biznis Klub Anamalit) dhe kryetar i ,,Bashkësisë Lokale Katërkollë’’ 2012-2016. Është themelues dhe koordinator i Fondacionit ,,Hajdari Family’’ si dhe anëtarë i shoqatës joqeveritare ,,Ora”.
Punon në Kuvendin e Komunës së Ulqinit si ,,Këshilltar i Pavarur I”. Prej vitit 2014 është këshilltarë i klubit të Forcës së Re Demokratike në Kuvendin e Komunës së Ulqinit deri në vitin 2022.
Është anëtarë i Këshillit Qendror kurse nga nëntori i vitit 2021 ushtron detyrën e nënkryetarit të Forcës së Re Demokratike.
