Në ambientet e hotelit "Albatros" u mbajt Konferencë me gazetarë ku Kryetari i Ulqinit Genci Nimanbegu, Drejtori i Organizatës Turistike Qazim Hoxhiq, përfaqësuesja e Ministrisë së turizmit - inspektoriati turistik Jelena Kankarash dhe Arjan Lamoviq, Sekretar i sekratariatit për buxhet dhe financa, folën për përgatitjet e sezonit turistik me theks të veçantë në grumbullimin e taksë banimit.
Sipas Kryetarit Nimanbegu të dhënat flasin për një rritje të numrit të mysafirëve, krahasuar me të njëjtën periudhë të vitit të kaluar dhe kjo paralajmëron se do të kemi një sezonë të bereqetshme. Ai theksoi se autoritetet komunale, janë tërsisht të përkushtuara në rrjedhën e sukseshme të sezonit turistik dhe kanë ndërmarrë një sërë masash dhe aktivitetesh.
Sipas Nimanbegut taksë banimi është detyrim ligjorë për qiradhënësit, sepse këto mjete përsëri rikthehen drejtëperdrejtë në përmirësimin e shërbimeve publike , mirëmbajtjen e infrastrukturës, zhvillimin e qëndrueshem , aktivitete të larmishme kulturore dhe prezencë më e madhe mediatike për ofertën turistike të Ulqinit.
Drejtori i Organizatës Turistike Qazim Hoxhiq , u ndal tek masat që ka ndërmarë OT në prezantimin e ofertës turistike të Ulqinit në Panaire dhe organizimin e shumtë të aktiviteteve kulturore. Sipas tij aplikacioni për rregjistrimin e qëndrimit, përgatitur nga OT është një zgjidhje unike për rregjistrimin e turistëve, pa komplikime dhe i shpejtë. Ai pret që zbatimi i kësaj mase të bëhet në bashkëpunim me të gjitha struktuarat përkatëse dhe me transparencë të plotë ndaj qytetarëve.
Përfaqësuesja e Ministrisë së Turizmit Kankarash, paralajmëroi se ka filluar punën kontrolli turistik i objekteve. Po ashtu sipas sekretarit Lamoviq , edhe ekipet komunale të ngritura për vjeljen e taksë banimit janë në teren deri në muajin shtator.
Në Konferencën e sotme iu bë qytetarëve që të shlyejnë obligimin e taksë banimit. Realizimi i saj u tha se i kontibuon jo vetëm mirëvatjes së sezonës turistike, por është dhe interes të sigurisë së vetë mysafirëve.
