Sot në Ulqin u mbajt punëtoria e dytë në kuadër të procesit të hartimit të Strategjisë për zvogëlimin e rrezikut nga katastrofat deri në vitin 2030, së bashku me Planin e Veprimit për Komunën e Ulqinit.
Gjatë punëtorisë, pjesëmarrësit analizuan në detaje burimet dhe kapacitetet ekzistuese të komunës në menaxhimin e rrezikut nga katastrofat, realizuan një analizë SWOT të sistemit aktual të menaxhimit të rrezikut, dhe diskutuan mbi strukturën dhe elementet kyçe të dokumentit strategjik që është në proces e sipër.
Kjo punëtori përfaqëson një vazhdimësi të partneritetit të suksesshëm me Komunën e Ulqinit, pas vizitës së fundit të përfaqësuesve të Fondit të Adaptimit, dhe është pjesë e projektit „Menaxhimi i integruar i rrezikut nga përmbytjet në pellgun e zgjeruar të lumit Drin“, që zbatohet nga Qeveria e Malit të Zi dhe Programi i Kombeve të Bashkuara për Zhvillim (UNDP), me mbështetje financiare nga Fondi i Adaptimit.
.jpg?v=2025-12-29_19:52:02)
.jpg?v=2025-11-28_10:12:24)
