Urimi i Kryetarit të Komunës së Ulqinit me rastin e 28 Nëntorit - Ditës së Flamurit

Të dashur bashkëkombas shqiptar, vëllezër dhe motra,

Kam një kënaqësi të veçantë që në emrin tim dhe në emër të koalicionit të cilin e përfaqësojmë në Komunën e Ulqinit, t’ju uroj 28 nëntorin-Ditën e Flamurit dhe 113 vjetorin e shpalljes së pavarësisë së Shqipërisë.

Në këtë ditë festive, komuniteti ynë me krenari feston së bashku simbolin tonë kombëtar, flamurin shqiptar. Festojmë shpalljen e Pavarësisë së Shqipërisë, por festojmë edhe një unitet të cilin e kemi kërrkuar këtë vit, kur të gjitha partitë udhëheqëse, të gjitha subjektet opozitare, kemi treguar një unitet në sfidat që i kemi pas këtë vit, nga një hije e rëndë që i është cënuar komunitetit tonë.

Ne flamurin e kemi të lirë, festimet i kemi të lira, por si duket kur vjen koha këto të drejta, janë duke u cënuar me një hije të ekonomisë.

Të nderuar qytetarë, të nderuar motra dhe vëllezër,

Nuk është mirë kur euroja është simbol i gjithçkaje, nuk është mirë kur e ardhmja financiare duhet të cënojë të ardhmen e fëmijëve tanë, prandaj, nga ky post ju drejtohem:

Na duhet një bashkim i të gjithë neve, kështu siç kemi mbijetuar në këto treva 2 mijë e 500 vjet e më tepër, duhet të krijojmë kushtet që e ardhmja jonë të jetë e sigurt.

Jemi krenar që jemi shqiptarë, jemi krenar që duam të jetojmë në breza demokratik, në një Mal të Zi i cili duhet të ecë në Evropë, por diskriminimi ende na vazhdon.

Të mirat detare, të mirat ekonomike të cilat na cënohen, janë para politikës së shqiptarëve në Mal të Zi, para udhëheqësisë së Komunës së Ulqinit, prioritet që vitet e ardhshme të kemi të drejta më të mëdha dhe më të arritura.

Gëzuar të gjithëve,

Rroftë Flamuri Shqiptarë, rroftë Pavarësia e Shqipërisë!

Me nderime,

Genci Nimanbegu