Me rastin e 21 Majit - Ditës së Pavarësisë së Malit të Zi, kam nderin dhe kënaqësinë t’ju drejtohem me urimet më të përzemërta në emër të Komunës sonë dhe në emrin tim personal.
Kjo ditë shënon një moment historik dhe të veçantë për të gjithë qytetarët e Malit të Zi - një simbol i vendosmërisë, bashkimit dhe vullnetit për të ndërtuar një shtet të pavarur, dhe demokratik Pavarësia është një arritje e madhe që na obligon të punojmë çdo ditë për një të ardhme më të mirë për brezat që vijnë.
Le të jetë kjo ditë një kujtim dhe një nxitje për të forcuar edhe më shumë frymën e bashkëjetesës, respektit dhe zhvillimit të përbashkët, duke ruajtur vlerat që na identifikojnë si shoqëri moderne dhe tolerante. Të punojmë bashkarisht deri në anëtarësimin e plotë të vendit në familjen evropiane.
Urime Dita e Pavarësisë!
Gëzuar 21 Maji!
Me respekt,
Genci Nimanbegu
Kryetar i Komunës së Ulqinit
